Concurso para estudantes DOCEXDOCE

Data: 6 de Marzo de 2019

Lugar: Escola Técnica Superior de Arquitectura

Publicado o 12 de Febreiro de 2019

DOCEXDOCE é un concurso estimulante para estudantes de arquitectura de toda Europa sobre os problemas contemporáneos da cidade, cun formato singular: Doce horas de traballo continuo, evitando converter o concurso nunha sobrecarga de traballo adicional durante meses para os estudantes.

Un tema mantido en segredo ata o inicio do concurso, asegurando unha máxima igualdade de condicións para todos os participantes. As redes sociais son un factor clave para o concurso: búscase unha máxima interacción dos participantes co público xeral. O traballo en equipo baixo as condicións que ofrece o concurso convértese nun gran adestramento pra a futura vida profesional dos participantes. Requírese unha toma de decisións rápida cara un obxectivo común.

Desde o Departamento impulsamos a participación da ETSAC neste concurso, contando coas embaixadoras Paula López Álvarez de Neyra e Alba León Álvarez. Os equipos (de 2 a 4 integrantes) deben inscribirse na páxina do concurso seleccionando a modalidade presencial na ETSA A Coruña antes do 3 de marzo. O concurso realizarase o 6 de marzo nun espazo da escola que indicaremos nesta páxina.

Máis novas

Seminario

Seminario Internacional UNISCAPE

20 de Xuño de 2019
Museo de Belas Artes de A Coruña

+ info —>

Conferencia

Conferencia Pablo Olalquiaga

13 de Febreiro de 2019
Salón de Actos. E.T.S. de Arquitectura

+ info —>