Publicado o 24 de Marzo de 2022
O alumnado do Máster Universitario en Arquitectura do TFM Iacobus ven de participar no International Workshop realizado do 13 ao 18 de marzo en Viena, dentro do programa Iacobus+Culture, Heritage and Integration, que no 2022 celebra a súa 27ª edición.
No encontro reúnironse 90 alumnos da ETSA da Coruña, da ENSA de Clermont-Ferrand, da NUACA de Ereván, da OTH de Regensburg e, por primeira vez, da ULiège, que traballaron conxuntamente nun proxecto sobre o Monasterio Mehkitarista de Viena. Tras a análise do lugar (que inclúe unha igrexa de Camillo Sitte, o Ministerio de Xustiza e un museo sobre a cultura armenia), dividíronse en grupos de traballo internacionais para ofrecer distintas propostas de intervencións no ámbito, tratando de ordenar ese espazo tan próximo ao Ring de Viena.