Publicado o 16 de Setembro de 2023
Esta semana presentouse o libro La Arquitectura de Galicia. Dos mil años de Historia, publicado polo Colexio Oficial de Arquitectos de Galicia e elaborado por José Ramón Alonso Pereira, catedrático de historia da arquitectura e do urbanismo e recentemente nomeado profesor emérito da Universidade da Coruña.
O libro presentouse no Museo do Pobo Galego en Santiago de Compostela, na inauguración dos actos conmemorativos do cincuentenario do Colexio Oficial de Arquitectos de Galicia o martes 12 de setembro, e na biblioteca da Escola de Arquitectura da Universidade da Coruña o xoves 14 de setembro.
La Arquitectura de Galicia presenta, en trinta capítulos, as idades de arquitectura. As orixes históricas, desde o mundo castrexo e a Gallaecia romana á Terra do Apóstolo; o antigo reino de Galicia na Idade Media; o esplendor da Idade Barroca; o paso da Ilustración ó Rexurdimento; o proxecto moderno: as súas pescudas, desenvolvementos e crises; ou a aproximación crítica contemporánea, atendendo en todas elas ó proxecto sociocultural, ó proxecto territorial e urbano, e as respostas tipolóxicas, espaciais e formais, imbricando lugar, arquitectura e estilo como suxeito unitario, e trascendendo a lectura descriptiva para facela análise intencionada. Para conseguilo, apoiase no compromiso académico de máis de trinta anos como responsable da materia Historia da Arquitectura na Escola de Arquitectura da Coruña.
